Bekhouf Gunde aur Laparwah Police

23 June 2012, Saturday Ko M.P. Mahila Congress dwara Mahilaon par badte apradh, gangrape, utpeedan ke khilaf Indore me Sanjay Setu par dophar 12:00 baje dharna pradarshan kiya jayega.

Shivraj ke Raj Ki Hakeekat

Shivraj Ke Raj Ki Hakikat

1. Balatkar me M.P. Awwal.
2. Rashan Ka Hajaron Qt. Gehun BJP Neta ke Godown se khule bajar me bechane ke liye pakdaya gaya.

Shivraj ji Photo Khichane or Hording lagane se kuch nahi hota. Vastav me kuch kaam kijiye.

Gold Ornaments par lagai gai Excise duty ka Sabhi Vyapari Unions dwara pure Desh me virodh kiya ja raha hai. Mainly yeh sone ke chote vyapariyon ko kafi pareshani me dalne wala hoga. ye unka maanna hai. Unki es baat ko maine Finance Ministry me jakar Memorandum ke madhyam se Hon. Smt. Sonia Gandhiji, President-All India Congress Committee aur Hon. Shri Pranab Mukherji, Finance Minister Ko diya hai aur unse nivedan kiya hai ki Chote Vyapariyon ke hit me ise puri tarah se nirast kiya jayen.

Hamari Saheli Helpline Started

Aaj Jabalpur main Police ke Jawan dwara Jhopdi Me Ghuskar Mahila ke sath rape ki ghatna atyanta hi sharmanaak hai. Police ke kaafi log charitra ke patan ke shikar ho chuke hai. Gundo evam Mafia ke saamne maar khati police samanya janta par dande barsakar apna frustration nikal rahi hai. Yeh bahut hi sharmanaak sthiti hai isme sudhar hona hi chahiye.

M.P. Mahila Congress ne aaj "Hamari Saheli" Helpline ka Shubharambha kiya. Yeh Helpline Peedit Mahilaon ko madad karne hetu banai gai hai. Isme abhi pradesh ke 100 se adhik mahilaon ke number diye gaye hai. M.P. me badate Mahila aapradh gang rape, chedchhad etc. mamlon me yeh helpline peedit mahila ki Sakhi-Saheli ki tarah kaam karegi. Bhopal me suchana mili ki Sehore me ek ladki ka rape hua hai aur thane me uski FIR nahi likhi jaa rahi hai.Sehore se Mrs. Usha Chouhan ne yeh jaankari di. Hum log Bhopal se nikalkar seede Sehore pahuche. Wahan Nayapura Gaon me jaakar peedit ladki se mulakat ki evam Thana Sehore jaakar FIR darj karwai. Thana prabhari me aaropi ko pakad liya aur us par Dhara 376 ka case bana diya hai. "Hamari Saheli" pure M.P. me isi tarah peedit mahilaon ki Sakhi-Saheli banakar karya karti rahegi. Aapki Jaankari Hetu "Hamari Saheli" Helpline ke number diye jaa rahe hai.

Betma Gang Rape Kand Me Bachchhiyon Ki Maa par tarah-tarah ke dabaav banaye ja rahe hai. Rajnitik evam Samajik Dabaav dalkar Bachhiyon ki Maa ko daraya ja raha hai. BJP Govt. dwara sahayata rashi ghoshna karne ke baad bhi nahi di gai hai. Thane ke star par koi karyawahi nahi ki ja rahi hai jisse is mamle me jaanch me gadbadi ki aashanka hai. Peedit Pariwar ko di gai suraksha bhi hata li gai hai. BJP Govt. ki neeyat is mamle ko kisi bhi tarah dabane ki hai. Is mamle me peedit pariwar ke paksha lene hetu mai Shri Satyapal Anand Ji ko pranam karti hun.

Betma Gang Rape me Ladkiyon Ko State Govt. Ki Aur se diye jane wale 2 Lakh Rs. Abhi tak nahi mil sake hai. State Govt. ko unki madad turant karna chahiye aur un ladkiyo ke punarwas hetu prayas karne chahiye. Der se milne wale nyay ka koi matlab nahi rah jata hai. Smt. Anita Verma Ji, President - All India Mahila Congress aur Main Swayam 24 February ko Jabalpur me hone wale Shakti Sammelan me bhag lene ja rahe he wahan par Mahilayon par ho rahe Atyachar aur Utpeedan Ko Rokne hetu Kaun se Kadam Uthana Chahiye Is par Vichar Kiya Jayega.

Police ke Dhil-Pol Ravaiye Se Apradhiyon Ke Housle Buland Ho Rahe Hai. Betma Gang Rape Me Abhi Bhi Sabhi Apradhiyon Ko Pakda Nahi Ja Saka Hai. evam Isi Tarah Shivpuri main bhi Dakaiti evam Do Nabalig Ladkiyon Ke Sath Gang Rape Kiya Gaya Jiske Aaropiyon Ko Abhi Tak Pakda Nahi Ja Saka hai. Maine Hon. Smt. Mamta Sharma Ji, President - Rastriya Mahila Aayog ko patra likh hai evam unko patra ke sath in case se sambandhit saari jankari bhi bheji hai evam unse request ki hai ki Rastriya Mahila Aayog in cases me Hasthkshep kar Police ko instruct kare evam cases ko Fast Track Court me chalaye jisse un ladkiyon ko turant nyay mil sake.

Betma Gang Rape

Aaj Main Kafi Mahilao ke sath Betma (Dist. Indore) Me 18 Ladko Dwara Gang Rape Ki Shikar Ladkiyon se milne Betma Gayi evam unko jaanch karane ke liye M.Y. Hospital Bhi Le Gayi. Dono Ladkiya Shaayad abhi baalig bhi nahi hui hai. Unke saath rape karne wale ladke bhi mainly 16 years ke aaspaas ke hai. Police is ghatna ko political evam communal rang dene me lagi hai to galat hai. Maine dono ladkiyo ko rehabilitate karne ke liye har effort karne ki demand ki hai evam unke parivaro ko police custody dene ki evam case ko Fast Track Court me chalakar muljimo ko Ati Kathore Sajaa Dene Ki Maang ki hai. I want that the C.M. & Home Minister of Madhya Pradesh should instruct police to take very strict action against the culprits. these criminals did not only gang rape the innocent girls but also took their photographs & emulated them for engagement. They should spend their lives behind the locks. They have no right to live a normal life.